Universitetda filologiya, pedagogika, kimyo, fizika, matematika, biologiya, tarix, psixologiya yo’nalishlarida ilmiy maktablar faoliyat ko’rsatmoqda. Kafedralarda faoliyat ko’rsatayotgan professor-o’qituvchilar tomonidan ilm-fan, ijodkorlikka alohida iqtidori bo’lgan, fanlarni muntazam ijobiy baholarda o’zlashtirib kelayotgan 1430 nafar iqtidorli talaba ajratib olingan hamda ustoz-shogird tizimida ilmiy tadqiqot ishlariga jalb qilingan. Ajratib olingan iqtidorli talabalar shogird tayyorlashda samarali faoliyat ko’rsatayotgan fan doktorlari, professorlar va fan nomzodlari, dotsentlar, falsafa doktori (PhD)larga biriktirilgan.
